Lajmet e fundit
Ministrja e Tregtisë dhe Industrisë, Hykmete Bajrami, është takuar sot me përfaqësuesit Shoqatës së Artarëve dhe Argjendarëve të Kosovës.
Këta të fundit e njoftuan ministren Bajrami për vështirësitë që ata i hasin gjatë zbatimit të Ligjit për Punimet nga Metalet e Çmuara.
Ata njëherit kërkuan nga ministria që ajo drejton të shqyrtojë shqetësimet e ngritura të cilat kanë bëjnë me kontrollin e cilësisë, ekzaminimin dhe shënjimin e punimeve nga metalet e çmuara.
Në anën tjetër, ministrja e Tregtisë dhe Industrisë shprehu gatishmërinë për bashkëpunim të mëtutjeshëm në mes të MTI-së dhe Shoqatës së Artarëve dhe Argjendarëve të Kosovës, për të ndikuar në përmirësimin e ambientit për të bërë biznes edhe për ketë sektor, përmes zbatimit të ligjshmërisë dhe sipas nevojës ndryshimin dhe plotësimin e legjislacionit, duke adaptuar standardet dhe praktikat më të mira ndërkombëtare në fushën e punimeve të metaleve të çmuara, transmeton Klan Kosova.
