Çka është leukemia: Simptomat dhe format e këtij lloj kanceri

Leukemia akute limfoblastike është kanceri i qelizave të bardha të gjakut. Ka dy lloje qelizash të bardha të gjakut, limfocidet dhe qelizat mieloide. Të dy llojet e qelizave veprojnë sëbashku për të luftuar infeksionet. Normalisht, qelizat e bardha të gjakut riparohen dhe riprodhohen në mënyrë të rregullt dhe të kontrolluar. Por në leucemi, procesi del jashtë kontrollit dhe qelizat vazhdojnë të ndahen në palcën e eshtrave. Këto qeliza që ndahen nuk arrijnë të piqen dhe nuk e lejojnë formimin e qelizave të shëndetshme të gjakut dhe për pasojë e bëjnë të pamundur luftimin e infeksioneve.

Kjo gjë çon në rritjen e rrezikut të infektimit, për shkak se palca e kockave nuk mund të prodhojë qeliza të shëndetshme të kuqe të gjakut dhe trombocide, gje e cila ju con në simptoma të tilla si anemi apo rrjedhje gjaku.

Ekzistojnë 4 lloje të leukemisë:

• Leukemia limfoblastike akute


• Leukemia mieloide akute


• Leukemia limfocitike kronike


• Leukemia mieloide kronike

Format kronike të sëmundjes priren të zhvillohen tek të rriturit dhe janë shumë të rralla tek fëmijët. Shkaqet e leukemisë limfoblastike akute ende nuk dihen.

Simptomat janë të ngjashme me format e tjera të leukemisë dhe përfshijnë:

• Lodhje e vazhdueshme për shkak të anemisë, që shkaktohet nga mungesa e qelizave të kuqe të gjakut.


• Rrjedhje gjaku nga hundët.


• Gjakderdhje që nuk ndalon për një kohë të gjatë, për shkak të nivelit të ulët të trombocideve, të cilat ndihmojnë në mpiksjen e gjakut.


• Infeksionet e vazhdueshme për shkak të nivelit të ulët të qelizave të bardha të gjakut.


• Sëmundje të shpeshta


• Dhimbje të vazhdueshme


• Gjendra limfatike të fryra.