Lajmet e fundit
Cilësia e ajrit sonte në Prishtinë ka arritur në një nivel rekord e alarmant, duke tejkaluar të gjitha standardet e lejuara.
Nga matjet që janë bërë në orën 20:00 rezulton se cilësia e ajrit është aktualisht në nivelin e 520 ppm, që është shumë herë më shumë se norma e lejuar.
Këto të dhëna janë marrë nga Qendra për matjen e cilësisë së ajrit e vendosur nga Ambasada Amerikane, njofton Klan Kosova.
Ka kohë që është vlerësuar se cilësia e ajrit në Kosovë është shumë larg kritereve të lejuara, duke kaluar kështu madje edhe në nivele shqetësuese për shëndetin e qyterarëve, veçanërisht grupeve më sensitive.
Megjithatë, niveli i cilësisë së ajrit që është regjistruar sonte është ndoshta më i larti që është shënuar ndonjëherë.
