Çfarë duhet të dini para se të udhëtoni për në Francë në pandemi

Kufizimet për parandalimin e përhapjes së COVID-19 në Francë janë ndër më të rreptat në botë. Gjatë verës 2020 u bë rihapja për vizitorët, por që atëherë vendi u mbyll edhe dy herë të tjera dhe tani po hapet pas disa kufizimeve më të lehta, shkruan CNN, transmeton Klan Kosova. Çka i'a vlen të shihet në Francë? Bulevardet historike të Parisit, përfshirja në modë i La Croisette në Kanë, fushat e livandos dhe vreshtat e Provences janë disa gjërat për të cilat njihet Franca. Ky vend mbetet një nga destinacionet turistike më të qëndrueshme në botë. Me ushqimim e shkëlqyeshëm, verën, peisazhet dhe qytetet e bukura, nuk do të zhgënjeheni asnjëherë. Kush mund t'a vizitojë Francën gjatë kësaj situate me COVID-19? Nga 12 marsi udhëtarët që vijnë nga Australia, Izraeli, Japonia, Zelanda e Re, Singapori, Koreja e Jugut dhe Britania e Madhe, si dhe vendet e BE-së, mund të hyjnë në Francë nëse kanë rezultatin negativ në testin për COVID-19 të marrë brenda 72 orëve dhe një deklaratë që tregon se ata nuk kanë simptoma të COVID-it Udhëtarët ndërkufitar përjashtohen nga kërkesa e provës së detyrueshme. Aktualisht, personat nga të gjitha vendet e tjera jashtë BE-së duhet të kenë një dëshmi bindëse shëndetësore, familjare ose profesionale për vizitën e tyre, mirëpo pritet që nga 9 qershori këto kufizime të zbuten. Çfarë mund të presin vizitorët? Shkollat dhe çerdhet në Francë u rihapën më 26 Prill pasi u mbyllën për tre javë, ndërsa nxënësit e shkollave të mesme u kthyen në klasat e mbyllura më 3 maj. Nga 19 maj, restorantet, kafenetë dhe tarracat në ajër të hapur do të rihapen për shërbim në natyrë, me maksimumin gjashtë persona në tryezë, dhe dyqanet jo-thelbësore do të hapin përsëri. Në të njëjtën datë do të hapen edhe muzeumet, monumentet dhe teatrot. Kufizimi i lëvizjes i cili është nga ora 23:00 deri në 6 të mëngjesit, do të hiqet plotësisht me 30 qershor.