"Burri im do ta emërojë vajzën tonë me emrin e ish-gruas"

Një nënë ka hyrë në Facebook për të pyetur përdoruesit nëse ajo po reagonte keq pasi nuk donte t'ia vinte vajzës së saj, emrin e ish-gruas të ndjerë të burrit të saj. Ajo u kritikua nga burri dhe familja e tij për refuzimin e emërimit të vajzës së saj e cila vjen së shpejti në jetë, transmeton Klan Kosova. Kjo grua dhe bashkëshorti i saj janë në pritje të një vajze, por ndryshe nga shumë prindër që emërtimin e fëmijëve e konsiderojnë sfiduese, babai i ardhshëm e dinte saktë se si do donte të quhej foshnja. Por kur ai ia tha gruas planin e tij për emër, ajo u zemërua. Në një postim në rrjetet sociale, gruaja tha: "Burri im dhe familja e tij më thonë se unë reagoj keq kur refuzoi emrin e ish-gruas së tij të vdekur, për vajzën tonë". "Unë e di që është e dhimbshme që ajo ndërroi jetë, por mendoj se jam mjaft e arsyeshme sepse ai ka ende fotografitë e tyre të dasmës dhe unazat e martesës rreth qafës së tij". "Unë mendoj se emërimi i fëmijës tonë me emrin e saj është e tepërt. A jam gabim?". Ajo ka marrë më shumë se 1500 komente nga përdoruesit e rrjeteve sociale që ishin në krah të saj. Ndërsa shumica e njerëzve u habitën nga propozimi i tij "egoist", të tjerët thanë se ai qartë kishte nevojë për ndihmë rreth humbjes së ish-gruas së tij. Një nga komentet ishte: "Më vjen keq por ju meritoni një burri që të vë ty dhe fëmijën në plan të parë dhe jo gruan e tij të ndjerë", transmeton Klan Kosova.