Buleshkaj: S’ka zyrtarë që nuk e deklarojnë pasurinë (VIDEO)

Drejtori APK-së, Yll Buleshkaj ka folur rreth procedurës së deklarimit të pasurisë të mbi 10 mijë zyrtarëve publikë. Në emisionin “Ora Shtatë”, Buleshkaj tha se nuk ka zyrtar që nuk e deklaron pasurinë, por mund të ketë vonesa ose pasaktësi në deklarim, transmeton Klankosova.tv. “Fatmirësisht nuk kemi zyrtarë që nuk e deklarojnë pasurinë, sepse pasojat juridike janë mjaft të mëdha. Ka zyrtarë që vonohen në deklarim të pasurisë, dhe ka zyrtarë që nuk janë plotësisht të saktë në deklarimin e pasurisë. Janë diku mbi 10 mijë zyrtarë publikë që i nënshtrohen deklarimit të pasurisë”, tha ai në Klan Kosova. Nga ana tjetër, sa i përket verifikimit të pasurisë, drejtori tha se ka një bashkëpunim të plotë mes institucioneve. “Sa i përket verifikimit të pasurisë, kemi një bashkëpunim të plotë të institucioneve. Është obligim ligjor i këtyre institucioneve që të bashkëpunojnë, kanë pasoja juridike në qoftë se nuk bashkëpunojnë”, tha ai. https://www.youtube.com/watch?v=0pAg5s_bdq0