BSPK përkrahë SBASHK-un në protestën e së shtunës

Bashkimi i Sindikatave të Pavarura të Kosovës e ka përkrahur protestën e Sindikatës e Bashkuar të Arsimit, Shkencës dhe Kulturës e cila do të mbahet të shtunën duke filluar nga ora 11:30. Në komunikatën e BSPK-së thuhet se do të përkrahet cilido hap i mëtutjeshëm i SBASHK-ut lidhur me zgjidhjen e kërkesave të punëtorëve të arsimit, njofton Klan Kosova. “BSPK i përkrahë veprimet sindikale të SBASHK-ut, rreth pakënaqësive që i kanë shprehur lidhur me Ligjin për pagat dhe kërkon nga Qeveria të ndërmerr masa që sa më shpejtë t’i përmirësoj këto lëshime duke bërë plotësim/ndryshimet me kërkesat e dala nga SBASHK-u”, thuhet në komunikatë. Protesta e punëtorëve të arsimit do të mbahet para ndërtesës së Qeverisë së Kosovës dhe ka për qëllim kundërshtimin e Projektligjit për Pagat i cili është votuar të hënën në mbledhjen e Qeverisë, transmeton Klan Kosova.

klankosova.tv