Brenda pesë minutave ndodhin dy aksidente me fatalitet në Shqipëri

Dy persona kanë mbetur të vdekur si pasojë e dy aksidenteve të ndodhura në Shqipëri, në vende të ndryshme por në vetëm 5 minuta diferencë kohore. Njëri nga aksidentet ndodhi në Fier e tjetri në Koplik, raporton A2 CNN, transmeton Klankosova.tv. Në fshatin Topojë, përgjatë aksit Fier-Seman një automjet tip “Mercedes-Benz” ka përplasur për vdekje një 60-vjeçar që ishte banor i zonës. Ai është përplasur nga makina teksa po udhëtonte me motomjetin e tij. Ndërsa, në Koplik viktima është një 66 vjeçar, i cili po lëvizte me motorçikletë në aksin rrugor Koplik-Bajzë kur u përplas nga një automjet. Aksidenti në Fier ndodhi sot në ora 10:50, ndërsa ai në Koplik pesë minuta më vonë. [caption id="attachment_2357956" align="alignnone" width="902"] Aksidenti në aksin Fier-Seman. Pamjet: A2 CNN[/caption]