Brathu: Seancat gjyqësore duhet të jenë publike

Jan Brathu, ambasadori i OSBE-së në Kosovë, është treguar goxha i ashpër në drejtim të autoriteteve vendore të drejtësisë, njofton Klan Kosova. Ai tha se korrupsioni po e shkatërron shtetin, andaj sipas tij i takon këtij sistemi që të bëjë gjithçka për ta përmirësuar situatën, njofton Klan Kosova. Këto komente Brathu i ka bërë në organizimin e Odës së Avokatëve të Kosovës, ku po mbahet një takim mes profesionistëve të fushës së drejtësisë. “Misioni i OSBE-së do të vazhdojë ta mbështësë Kosovën në rritjen e transparencës dhe forcimin e sundimit të ligjit”. Brathu më tej ka thënë se seancat gjyqësore duhet të jenë publike dhe se ato duhet të mbyllen vetëm në rastet kur patjetër është e nevojshme.

klankosova.tv