Bonusi i bebes, Rama: 237 mijë fëmijë kanë përfituar që nga janari 2019

Më shumë se 237 mijë fëmijë kanë përfituar bonusin e bebes prej fillimit të programit të qeverisë në janar 2019 në Shqipëri. Lajmin e dha sot në rrjetet sociale kryeministri shqiptar,  Edi Rama, sipas tij cilit për fëmijën e parë, bonusi është 40 mijë lekë, për fëmijën e dytë është 80 mijë lekë dhe për fëmijën e tretë është 120 mijë lekë. “Mirëmëngjes dhe me njoftimin e këndshëm se më shumë se 237 mijë fëmijë kanë përfituar bonusin e bebes prej fillimit të programit të qeverisë në janar 2019, duke mbështetur familjet e reja me 40,000 lekë për fëmijën e parë, 80,000 për fëmijën e dytë dhe 120,000 lekë për fëmijën e tretë, ju uroj një ditë të mbarë”, shkruan Rama në Facebook, transmeton Klankosova.tv. Nga 1 janari i vitit të ardhshëm Shqipëria do të japë para çdo muaj nga momenti i lindjes së bebes e deri sa të bëhet 5 vjeç. A2CNN shkruan se për fëmijën e parë pagesa do të jetë 5 mijë lekë në muaj ose 60 mijë lekë në vit, për të dytin 7 mijë lekë në muaj apo 84 mijë lekë në vit dhe për të tretin 10 mijë lekë në muaj po 120 mijë lekë në vit.