Sekretari Amerikan i Shtetit, Antony Blinken, ka ndarë fotografi nga vizita e tij e parë në Shqipëri, në llogarinë e tij në Instagram.
Përmes postimit, Sekretari Blinken tregoi sërish se me presidentin shqiptar, Bajram Begaj dhe kryeministrin Edi Rama, diskutuan për rrugën drejt BE-së dhe luftën kundër korrupsionit dhe krimit.
“Javën e kaluar bëra udhëtimin tim të parë si Sekretar në Shqipëri, një partner i vjetër i ShBA-së dhe aleat i NATO-s. Në Shqipëri, me presidentin Bajram Begaj dhe kryeministrin Edi Rama diskutova mbështetjen tonë për rrugën e saj drejt BE-së si dhe luftën kundër korrupsionit dhe krimit të organizuar. U takova gjithashtu me ekipin e Ambasadës Amerikane duke punuar çdo ditë në prioritetet kryesore të politikës së jashtme, duke përfshirë rivendosjen e mijëra aleatëve afganë. Ndihma e Shqipërisë në këtë përpjekje mishëron humanizmin dhe traditën e saj të rrënjosur thellë për t'u kujdesur dhe për t'i strehuar njerëzit në nevojë”, ka shkruar Blinken në Instagram, njofton Klankosova.tv.
