Bien në pranga tre të rinj në kryeqytet, dyshohen për hajni

Policia ka arrestuar tre të rinj mbrëmjen e së premtes, pasi po dyshohen për dy raste të vjedhjeve. Ngjarjet kanë ndodhur mbrëmë në lagjen Mati në kryeqytet, ku nga dy vetura të ndryshme, janë vjedhur katër laptopë, dy telefona etj, tha policia, përcjell Klankosova.tv. “Ka qenë reagimi i shpejtë i zyrtarëve policorë ai që ka mundësuar që vetëm disa minuta pas raportimit të rasteve, të identifikohen dhe arrestohen tre personat e dyshuar: – D. M, mashkull, 31 vjeç, shtetas i Republikës së Kosovës, – E.B,, mashkull, 23 vjeç, shtetas i Republikës së Kosovës dhe – A.B,mashkull, 20 vjeç, shtetas i Republikës së Kosovës”, shkruan në njoftim. Aty tutje thuhet se pjesë e aksionit policor ka qenë edhe bastisja e një vendbanimi ku janë gjetur dhe sekuestruar tre laptopë dhe gjësende të tjera që mund të ndërlidhen me rastet. “Personat e arrestuar me vendim prokurorit të shtetit janë dërguar në mbajtje, ndërkohë që hetuesit policor po kryejnë veprimet e nevojshme hetimore para se rastet të procedohen më tej”, ka thënë Policia. /Klankosova.tv