Lajmet e fundit
Presidenti Joe Biden tha se mbetet qëllimi i tij për të kandiduar për rizgjedhje në vitin 2024.
I pyetur se si i interpreton ai rezultatet e mbrëmshme për sa i përket kërkimit të një mandati tjetër – dhe nëse rezultatet e bëjnë atë më të mundshëm – presidenti tha se rezultatet nuk ndikuan në mendimin e tij dhe të familjes së tij.
"Synimi ynë është të kandidojmë përsëri. Ky ka qenë qëllimi ynë. Pavarësisht se cili ishte rezultati i këtyre zgjedhjeve", tha Bideni të mërkurën nga Shtëpia e Bardhë.
I pyetur se kur mund të shpallë ofertën e tij për rizgjedhje, presidenti tha se është e mundur që ai ta bëjë këtë në fillim të vitit të ardhshëm.
"Mendoj se unë dhe Jill do të kemi kohë për t'u larguar për një javë midis Krishtlindjeve dhe Ditës së Falënderimeve. Dhe supozimi im është se do të ishte në fillim të vitit të ardhshëm që ne ta bëjmë atë gjykim", tha ai.
Ai e quajti vendimin një “vendim familjar”.
