Lajmet e fundit
Sali Berisha ka deklaruar se çdo qytetar i Shqipërisë ka humbur 430 mijë lekë me rritjen e çmimeve.
Sipas tij, duke iu referuar këtu llogarive nga ekspertë të cilët nuk i ka bërë publik, një shqiptar ka humbur një rrogë nga viti 2022 në vitin 2021.
“Sot nga 2013 gjer këtë vit, çmimet janë rritur nga viti në vit. Vetëm me rritjen e çmimeve nga viti 2021-2022, çdo njëri prej jush ka humbur 430 mijë lekë, sipas ekspertëve. Imagjinoni, pra ka humbur pothuajse një rrogë, në një kohë kur ai që shëtit me avion personal dhe dhomë gjumi, shëtit gjithë botën, kishte premtuar për ju rrogën e 13, pensionin e 13. Tani faktikisht merrni 11 rroga, 11 pensione, kjo është e vërteta”, – deklaroi Berisha.
Ai shtoi se në 8 vjetët e tij në pushtet kanë bërë çmos për dyfishimin e rrogave, pensioneve, subvencioneve në bujqësi dhe ndërtimit të infrastrukturës. /euronews
