Ben Affleck dhe e dashura me pushime në Hawaii

Ben Affleck dhe Lindsay Shookus kanë vendosur ta shpërblejnë veten.

Çifti janë duke kaluar pushimet në Honolulu në Hawaii ku Affleck po përgatitet për filmin e tij të ri "Triple Frontier".

Të dy, të veshur me veshje sportive janë parë duke shëtitur derisa mbanin duart e njëri-tjetrit, transmeton Klan Kosova.

Një burim pranë çiftit ka thënë se ata nuk po nguten për të bërë një hap më tutje në lidhjen e tyre të dashurisë por thjesht po e shijojnë këtë periudhë të jetës, duke qenë të përkushtuar ndaj njëri-tjetrit. Në ndërkohë, një burim tjetër ka thënë se Affleck dhe ish-bashkëshortja e tij, Jennifer Garner janë duke vazhduar të kenë respekt për njëri-tjetrin. Pavarësisht ndarjes, Affleck dhe Garner rrisin bashkë fëmijët e tyre Violet (12), Seraphina (9) dhe Samuel (5). Affleck and Garner janë ndarë në vitin 2015.