Begaj në përvjetorin e 11 shtatorit: Shqipëria riafirmon qëndrimin kundër terrorizmit e dhunës

Presidenti i Shqipërisë, Bajram Begaj ka kujtuar viktimat e sulmeve terroriste të 11 shtatorit në Shtetet e Bashkuara të Amerikës. Ai në një postim në Facebook shkruan se Shqipëria riafirmon qëndrimin e saj të vendosur kundër çdo forme terrorizmi dhe dhune. “Sot, me dhimbje të thellë, përkujtojmë viktimat e sulmeve terroriste të 11 shtatorit 2001 mbi qytetin e New Yorkut”. “Shqipëria riafirmon qëndrimin e saj të vendosur kundër çdo forme terrorizmi dhe dhune, kudo në botë, dhe shpreh solidaritetin e saj të plotë me familjet e viktimave, popullin dhe institucionet e Shteteve të Bashkuara”, shkruan Begaj, transmeton Klankosova.tv.