Bebe Rexha ka një përgjigje për foton me të brendshme

Thënë thjesht, Bebe Rexha ndihet rehat me veten e saj. Këngëtarja me origjinë shqiptare nuk kishte qëllim që të thyente rrjetin kur publikoi në ditën e datëlindjes së saj këtë foto: nudo, duke lyer buzët shtrirë në dyshemenë e një tualeti. Në lidhje me këtë, Bebe ka folur për E! News teksa përgatitej të performonte në sfilatën e NYFW. "Ju betohem për çdo gjë që s’e kisha planifikuar", është shprehur Bebe. Ajo ka qenë duke u përgatitur për një koncert, kur stilisti i saj i flokëve hyri dhe bëri foton. Thjesht mendoi: "Wow, dukem seksi dhe nuk e di nëse do dukem ndonjëherë më kaq seksi dhe ndihem mirë me veten. Kështu që do e postoj", shkruan blitz.al, transmeton Klan Kosova. Dhe krah atyre që e kritikuan për foton e shpërndarë, ishte dhe i ati i saj: "Tashmë jam në fakt një grua plotësisht e rritur. Babi më tha: "Oh zot. Të lutem fshije në moment". Dhe unë i thashë që jo, nuk kishte për të ndodhur". Bebe është ndër të paktat këngëtare që pranon se nuk është ndjerë gjithnjë mirë me trupin e saj, por gjithçka ndryshoi kur filloi të “praktikojë” dashurinë për veten. Pra, thjesht thoni gjëra të këndshme për veten dhe pranojeni atë. https://www.instagram.com/p/B1y0WsJl-gw/