Basha fton Ramën për debat politik

Kreu i Partisë Demokratike në Shqipëri, Lulzim Basha, ka ripërsëritur ftesën e tij për debat televiziv për kryeministrin Edi Rama. Nga studio e emisionit “Top Story”, Basha ka ftuar Ramën që debatin e parë televiziv ta zhvillojnë në Top Channel. “Ka një sforcim të Edi Ramës në këto zgjedhje, që nuk merret me ekonominë, punësimin dhe shëndetësinë. Unë kam pesë ditë që e ftoj debat dhe e ftoj edhe nga kjo studio. Le ta bëjë këtu në Top Channel debatin. Hajde ta bëjmë këtu debatin Edi Rama dhe të bëjmë bilancet. Nuk e shtyn dot tri javë e gjysmë me estradë se bëhet qesharake. Eja dhe tregoju shqiptarëve ku i ke 300 mijë vendet e punës”, deklaroi Basha.

klankosova.tv