Barcelona dhe Reali, mysafirë te Betisi e Girona

La Liga e Spanjës do të na sjellë përballje interesante. Nga ora 16:15, Barcelona do të shkojë te Betisi në tentim që të marrë pikë të plota për të vazhduar të mbajë kreun. Betisi, në pesë ndeshjet e fundit, ka vetëm një fitore – dy humbje dhe dy barazime, dhe zë vendin e 11-të në tabelë, kurse Barcelona në pesë përballjet paraprake ka 2 fitore, dy humbje e 1 barazim. Kreun e mbajnë katalunasit me 37 pikë nga 16 xhiro, të ndjekur nga Real Madridi. Këta të fundit do të shkojnë mysafirë te Girona nga ora 21:00. Real Madridi do të kërkojë të ruajë pozitën e tij të dytë, për t’i ndenjur “bisht” Barcelonës, me shpresën e ndonjë “kiksi” nga liderët. Girona ka treguar se mund të jetë një kundërshtar i rrezikshëm për skuadrat e mëdha të Spanjës. Përballjen Betis-Barcelona do të mund ta ndiqni në kanalin sportiv të Artmotion, S1, kurse Girona – Real Madrid do të transmetohet në kanalet sportive të Kujtesas. Pos këtyre, në La Liga ju presin edhe ndeshje tjera interesante. Nga ora 18:30 do të zhvillohet Valencia vs. Rayo Vallecano, e cila do të transmetohet në kanalet sportive të Kujtesas.