Ballkani e nis furishëm, Emërllahu e "shpon" portën e Gjilanit

Kampioni i Kosovës shumë herët e mori avantazhin ndaj Gjilanit, pa kaluar as 5 minuta që kur nisi takimi. Lindon Emerllahu me një goditje të fuqishme, e bëri të pamundur reagimin e portierit, Kenan Haxhihamza, njofton Klankosova.tv. Ky duel është i vlefshëm për xhiron e njëmbëdhjetë të Albi Mall Superligës së Kosovës në futboll. Aktualisht, Ballkani udhëheq renditjen tabelare me 18 pikë të grumbulluara, kurse "Skifterat" gjenden në zonën e rrezikut, me 12 pikë. Nesër ndërkohë zhvillohen dy ndeshjet e radhës, ku Llapi në Podujevë është nikoqir i Feronikelit'74, kurse Dukagjini e pret Suharekën. Kjo xhiro mbyllet të enjten me dy takime. Ferizaj luan në shtëpi ndaj Malishevës, ndërkaq kryendeshja është ajo ndërmjet Dritës dhe Prishtinës. [caption id="attachment_2408648" align="alignnone" width="2000"] Ballkani - Gjilani, hap javën e 11-të në Superligë[/caption]