Ballkani dhe Drita zbresin në fushë, ndeshjet e tyre drejtpërdrejt në Artmotion

Xhiro e 29-të e Superligës së Kosovës në futboll mbyllet me ndeshjet e dy skuadrave lidere, Dritës dhe Ballkanit të cilat nuk do e kenë aspak të lehtë punën dhe arritjen e fitores. 15:00 Feronikeli - Ballkani,  Art Sport 1 & Klan Kosova  Ndeshja kryesore e javës do të jetë ajo mes Feronikelit të Klodian Duros dhe Ballkanit që drejtohet nga Bledi Shkëmbi. Për të dy skuadrat fitorja në këtë duel është e rëndësishme dhe kërkohet me çdo kusht. Ndeshja fillon nga ora 15:00 dhe transmetohet drejtpërdrejt në Art Sport 1 dhe Klan Kosova. Pas fitores së Prishtinës në ndeshjen e djeshme ndaj Arbërisë, tashmë Ballkani janë të tretët në renditje me 58 pikë të arkëtuara pas 28 ndeshjeve. Nga ana tjetër, Feronikeli aktualisht mbanë vendin e shtatë në tabelë me 33 pikë dhe është në rrezik akoma për rënie në ligë ose barazh. Ballkani ka dy fitore në duelet direkte të këtij sezoni, teksa ndeshja e tretë e luajtur në “Rexhep Rexhepi” të Drenasit kishte përfunduar në barazim 2-2. 15:00 Trepça ’89 – Drita, Art Sport 2 Drita këtë të diel luan si mysafire në një nga stadiumet më të vështira të Superligës së Kosovës në futboll. Këtë herë ata do të luajnë në “Riza Lushta” përballë Trepçës ’89 e cila është një skuadër mjaftë e rrezikshme dhe që luan futboll të bukur. Ky duel luhet të dielën me fillim nga ora 15:00 dhe transmetohet live dhe ekskluzivisht në Art Sport 2. Drita vazhdon ta mbajë pozitën e parë në renditje të elitës me 61 pikë pas 28 ndeshjeve të luajtura, kurse nga ana tjetër Trepça ’89 pozicionohet e gjashta me 35 pikë nga po ashtu 28 duele të zhvilluara. Në ndeshjet direkte, Drita ka arritur dy triumfe ndërsa mitrovicasit e 89-shit kanë arritur ta fitojnë ndeshjen e fundit të ndërsjellë.