Deputetja e LDK-së, Hykmete Bajrami ka thënë se ka disa shkelje që janë bërë me procedimin e Ligjit për Pagën Minimale.
Ajo vlerëson se para kësaj Ministri i Financave, Hekuran Muratk është dashur që të konsultohej me partnerët ekonomikë dhe socialë, sindikatat, odat ekonomike por edhe kategori të tjera, gjë që sipas saj nuk ka ndodhur.
“Është vendosur në mënyrë ‘ad-hoc’ ku për 14 muaj ka qëndruar në Komisionin për Buxhet dhe Financa. Ai nivel i pagës ka ardhur në atë kohë dhe tash kaloi në seancën e 13 korrikut. Nuk është marrë për bazë norma e inflacionit”, është shprehur Bajrami në emisionin e ekonomisë, Portofol, në Klan Kosova FM.
“Kemi kërkuar nga fillimi që për caktimin e pagës minimale dhe për secilën politikë tjetër të ketë konsultim publik, bashkërendim, ashtu siç kërkon legjislacioni. Ministria e Financave është dashur të gjejë pajtueshmëri edhe me përfaqësuesit e veteranëve”, është shprehur ajo, duke folur për kontestimin e ligjit dhe dërgimin në Gjykatën Kushtetuese.
Bajrami më tej, duke folur për miratimin në parim të Fondit Sovran është shprehur se ky fond nuk do të zgjidhë asnjë problem ekonomik.
https://www.youtube.com/watch?v=306mYP2z0bo
●●●
LSHKRIMI NGA
LiZe
Editorial nga Klan Kosova — ndjek ekonomi dhe zhvillimet e tjera kryesore të vendit.