Bajra: ‘Prime’ i së premtës u ndjek në kohë reale nga mbi 100 mijë persona në YouTube

Menaxheri i rrjeteve sociale në Big Brother VIP Kosova 2, Diamant Bajra, përmes një lidhje direkte në emisionin “Info Magazine” në Klan Kosova ka folur për ngjarjes e javës brenda shtëpisë së BBVK-së, duke paralajmëruar gjithashtu se sonte do të jetë një ‘Prime’ i zjarrtë. Bajra gjithashtu u shpreh se ‘Prime’ i kaluar në kohë reale është ndjekur nga mbi 100 mijë persona në YouTube, njofton Klankosova.tv. “Në platformat sociale ne vazhdimisht shohim një trend pozitiv të rritjes së interesimit të audiencës, qoftë për të debatuar, qoftë për të qenë pjesë e atyre diskutimeve që ndodhin brenda shtëpisë”. “Ishte ‘Prime’ i së premtës, i 27-ti me radhë kur në platformën e YouTube kemi parë audiencën që e ndiqnin në kohë reale mbi 100 mijë persona, pra janë mbi 100 mijë users që e kanë ndjekur live ‘Prime’ e kaluar”. Besoj shumë që e njëjta audiencë e edhe më shumë në numër do të jetë aktive edhe në ‘Prime-t’ e radhës, e sidomos ky i natës së sotme, i cili do të jetë befasi për shumëkë”, është shprehur ai.