Lajmet e fundit
Menaxheri i rrjeteve sociale në Big Brother VIP Kosova 2, Diamant Bajra, ka folur për momentet që e kanë karakterizuar spektaktlin më të madh televiziv në vend që nga e premtja e javës së kaluar deri këtë të hënë.
Ai, në Info Magazine të Klan Kosovës, ka deklaruar se prej momenteve që kanë ndryshuar lojën e banorëve në Big Brother VIP Kosova 2 është vizita që i bëri Verona, e fejuara e Bucit, dhe hyrja e banorëve të rinj.
"Nga e premtja zhvillimet kanë ndërruar tërësisht në shtëpinë më të madhë shqiptare, ishte momenti kur e fejuara e Bucit, Verona, e bëri një heshtje në shtëpi për disa momente, dhe trazoi çdo gjë që kishte qenë pjesë e strategjisë për lojën në vazhdim".
"Ne kemi parë një komunikim ndryshe besoj se edhe është pritur, se edhe do të ndikojë tek loja e Bucit, por edhe hyrja e banorëve të ri brenda shtëpisë, është krijuar një atmosferë më pozitive. Këto ishin disa prej momenteve që e karakterizuan edhe vikendin", ka thënë Bajra.
Ndër tjera, ai ka theksuar se për këtë vikend numri total i shikueshmërisë në të gjitha platformat online të Big Brother VIP Kosova 2 ka arritur në "40 milionë klikime"./Klankosova.tv
