Babai e gjen të birin pa ndjenja, vdes në Emergjencën e Gjilanit

Një burrë ka vdekur në Gjilan. Babai i të ndjerit ka raportuar në polici se djali i tij është gjetur pa ndjenja, ku i njëjti ka vdekur në Emergjencën e Gjilanit, transmeton Klankosova.tv. "Ankuesi mashkull kosovar ka informuar se është gjetur pa ndjenja djali i tij viktima mashkull kosovar. Viktima është dërguar në Emergjencë, ku më pas ka ndërruar jetë. Zyrtarët e Institutit të Mjekësisë Ligjore kanë dalë në vendin e ngjarjes dhe kanë bërë tërheqjen e trupit të pajetë të viktimës", thuhet në raportin e policisë. Ndërkaq policia po e cilëson rastin si "vdekje e dyshimtë".