“Azem Syla kurrën e kurrës kriminel”

Pak minuta para se ish-deputeti Azem Syla të dorëzohen në organet e rendit për dyshimet që janë ngritur rreth tij është Bislim Zogaj deputeti i Partisë Demokratike të Kosovës që tha se “Azem Syla nuk është kriminel”. Këto komente Zogaj i bëri në seancën e Kuvendit, e cila i ka vazhduar sot punimet nga seanca e djeshme. “Azem Syla nuk është kriminel, ai ishte për drejtësi”. “Pamjet në shtëpinë e tij në kohën kur po kërkohej ai ishin të tmerrshme”. “Ndërsa kur lexova lajmet rreth tij mendoja se po flitet për Sllobodan Millosheviqin, e jo për ish-deputetin Syla”, njofton Klan Kosova. Zogaj tha se Syla është njëri ndër me meritorët për lirinë e vendit. “Azem Syla është ndër më meritorët jo vetëm në Parlament por edhe në trojet shqiptare për lirinë e Kosovës”. “Një person që ka qenë profesor, një njëri që ka qenë i gatshëm edhe jetën nuk mund të jetë kurrën e kurrës kriminel”. Policia ishte vënë në kërkim të ish-deputetit nga radhët e PDK-së që i cili po dyshohet për krim të organizuar dhe shpëlarje parash. Në operacionin e realizuar para dy ditësh nga EULEX-i në bashkëpunim me Policinë e Kosovës u bastisën më shumë se 40 lokacione të ndryshme. Bashkë me Sylën i cili u cilësua si “kryesori i grupit kriminal” u  kërkuan edhe 50 persona të tjerë, të cilët në forma të ndryshme lidhen me keqpërdorime dhe shpëlarje parash.

klankosova.tv