AUV ka 30 inspektorë veterinarë, Kadriu thotë se kanë nevojë edhe për 20 shtesë (VIDEO)

Në kuadër të Agjencisë së Ushqimit dhe Veterinës punojnë 30 inspektorë veterinarë. Por sipas kryeshefit të këtij institucioni, Flamur Kadriu, kjo është e pamjaftueshme për të arritur për ta kontrolluar tregun. “Tash e kemi një numër më të madh të inspektorëve, por ekziston nevojë për më shumë. Tash i kemi 30 inspektorë veterinarë që merren me përkujdesjen e produkteve me produkte shtatore. Numri është i vogël dhe për këtë nuk arrihen që të bëhen kontrolle shumë më të mëdha”, është shprehur Kadriu në emisionin e ekonomisë, Portofol në Klan Kosova FM. “Me rishikimin e buxhetit kemi kërkuar që të kemi edhe 20 inspektorë veterinarë të rinj, inspektorë që do të ndihmonin më shumë më kontrollet tona”.