Kapsula e misionit Artemis 2 me katër anëtarë ka kaluar nëpër atmosferën e Tokës dhe ka zbarkuar në mënyrë të sigurt në Oqeanin Paqësor pas gati 10 ditësh në hapësirë, duke përfunduar udhëtimin e parë me ekuipazh njerëzor në afërsi të Hënës në më shumë se gjysmë shekulli.Kapsula Orion e NASA-s zbriti butësisht në oqean pranë brigjeve të Kalifornisë pak pas orës 5 të pasdites sipas kohës lokale, duke i dhënë fund një misioni që pa katër astronautë të udhëtonin më thellë në hapësirë se kushdo tjetër më parë, transmeton Klankosova.tv Gjatë udhëtimit dhjetëditor, ekuipazhi rrethoi Tokën dy herë dhe më pas anën e errët të Hënës, duke fluturuar gjithsej 1,117,515 kilometra.Është fluturimi i parë provë me pilot në një seri misionesh të programit Artemis, qëllimi i të cilit është kthimi i astronautëve në sipërfaqen e Hënës nga viti 2028.Ulja e Orionit dhe ekuipazhit prej katër anëtarësh u transmetua drejtpërdrejt nga NASA në faqen e saj të internetit.Kapsula u prit në Oqeanin Paqësor nga ekipet e shpëtimit për të nxjerrë ekuipazhin, astronautët amerikanë Reid Wiseman, Victor Glover dhe Christina Koch dhe astronauti kanadez Jeremy Hansen. / Klankosova.tv
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
