"Askush nuk më ka falur asgjë"

Luis Suarez ka thënë se është shumë i lumtur që luan për skuadrën e tij të ëndrrave dhe se “askush nuk i ka falur” asgjë në arritjet e tij. Suarez kaloi tek Barcelona në korrik të vitit 2014 për rreth 80 milionë euro. Që atëherë ai ka shënuar 44 gola në 65 paraqitje dhe është i dyti golashënues më i mirë i ligës këtë edicion pas Neymarit. Para Kupës së Botës për Klube uruguaiani ka thënë se është i vendosur që edhe këtë trofe ta ketë në listën e atyre që i ka fituar. “Ta fitosh Ligën e Kampionëve ishte ëndërr e bërë realitet dhe tani duhet të bëjmë edhe më shumë”. “Duamq ë të fitojmë trofe”. “Besoj se njerëzit e shohin sa përpiqem. Askush nuk më ka falur asgjë dhe gjithmonë jap maksimumin”. “Fansat e dinë që e kam pasur ëndërr të luaj për Barçën dhe se do të jap gjithçka për këtë fanellë”.

klankosova.tv