Kjo fundjavë na sjell edhe xhiron e parafundit apo thënë ndryshe atë të 27-të në elitën e basketbollit vendor.
Dy prej takimeve që tashmë llogariten edhe si vendimtare luhen të shtunën dhe dy të tjera të dielën - sigurisht transmetohen që të gjitha në adresën e vërtetë të basketbollit në vendin tonë, platformën fantastike dhe më atraktive në vend, Artmotion.
17:00 G.E YLLI – PEJA ART SPORT 1
Duel force para playoff-it me dy skuadra që kanë të siguruar kalimin aty, por që ende nuk e dinë se nga cila pozitë do e nisin fazën e nxehtë të dueleve direkte në drejtim të titullit kampion.
Ylli dhe Peja luajnë këtë të shtunë kundër njëra-tjetrës me fillim nga ora 17:00 teksa dueli mes tyre transmetohet live dhe ekskluzivisht në Art Sport 1.
Suharekasit e Yllit vijnë në këtë duel pas humbjes së javës së kaluar kundër Vëllaznimit teksa kanë 16 fitore dhe 10 disfata e fitorja iu nevojitet për të kërkuar pozicionimin në dy vendet e para tabelore që dërgojnë direkt në gjysmëfinale.
Nga ana tjetër, Peja tashmë në formë të mirë fitoren e dëshiron vetëm për prestigj dhe për ta mbajtur moralin lartë, pasi gjasë teorike për të qenë në dy pozitat e para më nuk ka.
Ylli ka dy fitore në duelet direkte këtë sezon teksa Peja në anën tjetër vetëm një.
Ylli, 5-shja e mundshme startuese:
Kastrati, Bunjaku, Gill, Wilbekin, Morant
Peja, 5-shja e mundshme startuese:
Berisha, Walton, Grapci, Shoshi, Walters
19:00 TREPÇA – RAHOVECI ART SPORT 1
Sigurimin e mbijetesës, Trepça e kërkon në palestrën ikonike “Minatori” ndaj një rivali shumë të vështirë si Rahoveci që bartë pozitën e dytë në tabelë dhe ka gjasa reale për ta mbyllur edicionin edhe si lidere.
Kjo ndeshje interesante luhet të shtunën me fillim nga ora 19:00 dhe transmetohet live dhe ekskluzivisht në Art Sport 1.
Vendasit e Trepçës në këtë duel futen pas humbjes së hidhur që e pësuan në ndeshjen me Pejën, teksa Rahoveci në anën tjetër vjen pas fitores në vazhdime kundër Bashkimit.
Sa i përket renditjes tabelore, Trepça mbanë vendin e gjashtë me 10 fitore dhe 16 disfata teksa në anën tjetër Rahoveci qëndrojnë të dytët me 17 fitore dhe 9 humbje.
Në duelet direkte më mirë qëndrojnë “vreshtarët” që kanë dy suksese, krahas një fitoreje të mitrovicasve.
Trepça, 5-shja e mundshme startuese:
Smith, Haxhiu, Toutzaiarkis, Butorac, Hajrizi
Rahoveci, 5-shja e mundshme startuese:
Morina, Davis, Daniel, Qallaku, Veseli
klankosova.tv
