Arta Bajrami flet për momentin kur zbuloi se dy nga fëmijët e saj janë me autizëm (VIDEO)

Këngëtarja e njohur shqiptare, Arta Bajrami ka folur për momentin kur zbuloi se dy nga fëmijët e saj janë me autizëm. Në emisionin “Ora 7” në Klan Kosova, ajo tha se në atë moment mori mesazhe pafund nga e mbarë bota kudo ka shqiptarë. “Nga momenti që jam deklaruar, mora mesazhe pafund nga e gjithë bota kudo ka shqiptarë. Më kanë bërë pyetje, ku i trajton, si i trajton. E kanë marr me ankth e stres. Jam munduar t’ua heq stresin dhe frikën sepse prindërit duhet ta pranojnë fillimisht pastaj të vazhdojnë me trajtime që iu nevojiten”, tha ajo. Artistja më tej u shpreh se vizitat nëpër shkolla për fëmijët autikë duhet të bëhen më shpesh, jo vetëm në ditën e autizmit. “Vizitat nëpër shkolla nuk duhet të bëhen vetëm në ditën e autizmit, por sa më shpesh. Këto qendra janë funksionale dhe që i trajtojnë, jo vetëm t’i lënë brenda qendrës, por duhet bërë vetëdijësimi i popullatës. Fëmijët me autizëm janë pjesë e shkollës dhe duhet të shkojnë shpesh të japin informata”, u shpreh Bajrami, njofton Klankosova.tv. https://www.youtube.com/watch?v=FTJ0uQ71W-Y