Arsyet pse Qeveria nuk e lejon Nikoliqin në Kosovë

Kërkesa e Presidentit të Serbisë Tomislav Nikoliq, për ta vizituar nesër komunën e Shtërpcës, është refuzuar nga zyrtarët e Qeverisë së Kosovës. Në një komunikatë të lëshuar për media, Qeveria ka bërë të ditur që kërkesa e Nikoliq u refuzua për shkak të deponimit të vonuar të kërkesës për vizitë në Kosovë, njofton Klan Kosova.

''Refuzimi vjen pas vonesës për të deponuar me kohë kërkesën për vizitë në Kosovë ashtu siç parashihet me marrëveshjen për lejimin e vizitave të zyrtarëve të lartë ndërmjet dy shteteve''.

Sjelljet e fundit të Serbisë dhe deklaratat e njëpasnjëshme janë kundër frymës së bashkëpunimit ndërshtetetëror në mes dy shteteve dhe popujve thuhet në komunikatën e dërguar njofton Klan Kosova.