Lajmet e fundit
Arsenali e ka dërguar një ofertë të dytë për Moises Caicedo prej 60 milionë funtesh – plus 10 milionë funte shtesë – por Brighton do ta refuzojë ofertën, me ‘Pulëbardhat’ që kërkojnë 80 milionë funte për mesfushorin e tyre yll.
Caicedo qëndroi larg stërvitjes së Brighton të shtunën, ndërsa përpiqet të detyrojë një lëvizje te Arsenal ose Chelsea, transmeton Klankosova.tv.
Reprezentuesi i Ekuadorit iu lut Brighton që ta linte të largohej në një mesazh në Instagram të premten mbrëma pasi Sportsmail raportoi se ai po konsideronte të dorëzonte një kërkesë për transferim.
Caicedo, 21 vjeç, shkroi se një shifër rekord transferimi 'do t'i lejonte Brighton të riinvestonte dhe të ndihmonte klubin të vazhdojë të jetë i suksesshëm'.
Caicedo do të mungojë në seancën stërvitore të mëngjesit të së shtunës dhe nuk do të luajë asnjë pjesë në ndeshjen e raundit të katërt të FA Cup me Liverpool të dielën në stadiumin ‘Amex’.
