Arsenali me fitore të rëndësishme ndaj Evertonit

Arsenali ka siguruar tre pikë të rëndësishme për të vazhduar garën për titull. Në ndeshjen ndaj Evertonit, djemtë të Mikel Artetas arritën me shumë mund të fitojnë me rezultat 2-0. Në pjesën e parë, mysafirët ishin më kërkues për gol, por që nuk arritën ta bëjnë këtë në asnjë moment. Pjesa e dytë ndryshoi rrjedhën e takimit, pasi Arsenali po e kërkonte me çdo kusht golin e fitores. Ndonëse tentuan disa herë, goli erdhi vetëm në minutën e 89-të nga Viktor Gyokeres, i cili hyri si zëvendësues në pjesën e dytë. E për të vulosur shifrat në këtë takim u kujdes 16-vjeçari Max Dowman, i cili shënoi për 2-0 në minutën e fundit të shtesës. Kështu, Arsenali ruan pozitën e parë me 10 pikë para Manchester Cityt, i cili ka dy ndeshje më pak. Evertoni nga ana tjetër zë vendin e tetë. /Klankosova.tv