Arsenali i është bashkuar Liverpoolit dhe Manchester Unitedit në garën për mbrojtësin Goncalo Inacio – por “Topçinjve” nuk po u ngutet, shkruan “The Sun”.
“Arsenali po e ndjek yllin e Sporting Lisbonës me vlerë 52 milionë funte pas një morie lëndimesh në mbrojtje”, është titulli i tyre. Megjithëse artikulli thotë se “Topçinjtë” s’kanë pse “nxehen” shumë.
Në paragrafin e katërt, shpjegohet se Mikel Arteta është i kënaqur me opsionet mbrojtëse që ka aktualisht, madje edhe me Jurrien Timber dhe Takehiro Tomiyasu që janë aktualisht jashtë fushës.
Arsenali do të lëvizte vetëm për Inacion, pasi një tjetër mbrojtës është goditur nga lëndimi i rëndë.
Megjithatë, në verë mund të jetë situatë ndryshe kur Arteta “ka të ngjarë t’i prioritizojë përforcimet në mbrojtje”.
Inacio është nën kontratë me Sportingun deri në vitin 2027 dhe klubi portugez besohet se do t’i qëndrojë prapa vlerës maksimale të klauzolës së tij të lirimit: 52 milionë funte. /Klankosova.tv
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
