Arrijnë vaksinat anti-COVID për 5-11 vjeçët (VIDEO)

4 mijë e 800 doza të vaksinës anti- COVID të dedikuar për moshat e reja i janë dorëzuar Institutit Kombëtar të Shëndetësisë Publike të Kosovës. Vaksina këto të cilat janë blerë nga Amerika dhe janë sjell në Kosovë përmes mekanizimit COVAX. Mirëpo për aplikimin e tyre tek moshat 5-11 vjec, Ministria e Shëndetësisë, përkatësisht Komiteti për Imunizim duhet të nxjerrë rekomandim. E, ministri i shëndetësisë Rifat Latifi tha se ose sot gjatë ditës apo të hënën do të mblidhet komiteti i vaksinimit, dhe varësisht nga rekomandimet e tyre edhe do të veprohet. Pos kësaj, ministri Latifi tha se rritjen e shifrave të të infektuarve ditëve të fundit e sheh shqetësuese, ndaj potencoi se po mendohet edhe mundësia që të dilet me rekomandim për marrjen e dozës së katërt. I pari i shëndetësisë kosovare bëri me dije se gjatë kësaj periudhe duhet të bëhet edhe një fushatë e re e vaksinimit. https://www.youtube.com/watch?v=7zuHLZF369Y