Arrestohet një serb në Leposaviq, mediat serbe thonë se është ish-polic

Policia e Kosovës e ka arrestuar një person i nacionalitetit serb në fshatin Soçanicë të Leposaviqit. Për klankosova.tv, këtë e ka konfirmuar Veton Elshani, Zëvendësdrejtori i Policisë së Kosovës për rajonin e veriut. “Po, ky burrë u arrestua në Soçanicë, por nuk mund të flasim për detajet sepse njësia për rajonin e veriut nuk mori pjesë në arrestim. Ai u arrestua nga Njësia e Krimeve të Luftës nga Prishtina, ku më pas u transferua’’, ka thënë ai. Mirëpo, media në gjuhën serbe “Kossev”, ka mësuar jozyrtarisht se i arrestuari ka qenë pjesëtar i Policisë së Kosovës para largimit masiv të komunitetit serb nga ky institucion. /Klankosova.tv