Arrestohet një 53-vjeçar në Fier, tentoi të vidhte në banesën e një të moshuari

Është arrestuar një 53-vjeçar në Fier, i cili ka tentuar të vidhte në banesën e një të moshuari. Bëhet e ditur se i njëjti ka ushtruar dhunë dhe ka kanosur me thikë të moshuarin. Policia ka bërë të ditur se bëhet fjalë për të dyshuarin Pajtim Dhana, i cili ishte shpallur në kërkim. “53-vjeçari dyshohet se në orët e para të datës 18.04.2026, është futur i maskuar në banesën e një të moshuari, në fshatin Pishë Poro, e ka dhunuar dhe kanosur me thikë atë, që t’i vidhte një shumë parash, por është larguar pa vjedhur”, thuhet në njoftim./abcnews.al