Arrestohet një 48-vjeçar në Gjirokastër, në banesën e tij u gjetën lëndë narkotike

Policia e Gjirokastrës ka arrestuar një 48-vjeçar pasi i është gjetur në banesë një sasi prej 2.4 kilogramë lëndë narkotike, kanabis sativa. Në njoftimin e policisë thuhet se lëndët narkotike dyshohet se ai i mbante me qëllim për t’i shitur, shkruan Euronews.al, transmeton Klankosova.tv. “Në kuadër të operacionin antidrogë të koduar “Tempulli”, është vënë në pranga shtetasi V. B., 48 vjeç, banues në fshatin Lulëzim, Krahës”. “Gjatë kontrollit në banesën e shtetasit V. B., shërbimet e Policisë gjetën dhe sekuestruan 2.4 kilogramë lëndë narkotike cannabis sativa, të cilën dyshohet se ai e posedonte me qëllim shitjen në qytetin e Memaliajt. Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, thuhet tutje në njoftim.