Arrestohet një 31-vjeçar në Koplik, vodhi para dhe ushqime në një dyqan

Policia e Malësisë së Madhe ka arrestuar një 31-vjeçar, i cili vodhi një natë më parë në një dyqan një shumë parash dhe produkte ushqimore. Policia e Shqipërisë ka bërë të ditur se i arrestuar është banues në fshatin Bajzë, raporton TCh. “Ky i fundit dyshohet se me thyerje, gjatë natës ka vjedhur në një dyqan në Koplik para dhe produkte ushqimore, të cilat u gjetën dhe u sekuestruan në cilësinë e provës materiale”. “Sakaq, materialet procedurale i kaluan Prokurorisë pranë Gjykatës së Shkallës së Parë Shkodër, për veprën penale “Vjedhja”, ka njoftuar policia.