Arrestohet një 19-vjeçar në Tropojë, rrahu familjarët dhe kanosi me thikë nënën e tij

Është arrestuar një 19-vjeçar në Tropojë, pasi i njëjti dyshohet se ka ushtruar dhunë fizike ndaj familjarëve dhe ka kanosur me thikë nënën e tij. Policia përmes një postimi në Facebook ka njoftuar se ka sekuestruar dy mjete thika dhe një celular i vjedhur, përcjell Klankosova.tv. “Ndërhyrja e menjëhershme e shërbimeve të Policisë parandalon përshkallëzimin e mëtejshëm të dhunës në një familje. Ushtroi dhunë fizike ndaj familjarëve dhe kanosi me mjet prerës (thikë), nënën e tij, arrestohet në flagrancë 19-vjeçari.Gjithashtu, ky shtetas dyshohet se i vodhi celularin, njërit prej familjarëve. Sekuestrohen 2 mjete prerëse (thika) dhe celulari i vjedhur”. “Shërbimet e Komisariatit të Policisë Tropojë, pas marrjes së njoftimit se fshatin Shoshan, po ndodhte një konflikt në familje, menjëherë kanë organizuar punën dhe kanë shkuar në adresën e dhënë ku kanë kapur dhe vënë në pranga shtetasin S. B., 19 vjeç, banues në fshatin Shoshan”, thuhet në njoftimin e policisë.