Arrestohet 23-vjeçari i kërkuar në Prizren, dërgohet në vuajtje të dënimit

Policia ka bërë të ditur se është arrestuar një 23-vjeçar të kërkuar në Prizren dhe se i njëjti është dërguar në vuajtje të dënimit. Në njoftimin e policisë thuhet se ndaj tij, Gjykata Themelore në Prizren kishte lëshuar urdhëresë për veprën penale “posedim i narkotikëve” dhe “dhunë në familje”, përcjell Klankosova.tv. “Drejtoria Rajonale e Policisë në Prizren, zyrtarë policorë nga Stacioni Policor Prizren, në vazhdën e implementimit të planit operativ për realizimin dhe ekzekutimin e urdhëresave gjyqësore me 11.02.2025, rreth orës 12:10 min në Prizren kanë arrestuar të kërkuarin M. Q. 23 vjeçar, mashkull kosovar. Ndaj të dyshuarit Gjykata Themelore në Prizren kishte lëshuar urdhëresë për veprën penale “posedim i narkotikëve” dhe “dhunë në familje”. “Pas arrestimit dhe përfundimit të procedurave policore, sipas urdhëresës së gjykatës, i njëjti është dërguar në vuajtje të dënimit në kohëzgjatje prej njëmbëdhjetë muajve (11) e pesëmbëdhjetë (15) ditë burgim”, thuhet tutje në njoftim.