Kosova, Shqipëria dhe Kroacia kanë nënshkruar dje Deklaratën e Bashkëpunimit Trepalësh Ushtarak, duke forcuar aleancën e tyre në fushën e sigurisë.
Ndërkohë, njohësi i çështjeve politike, Korab Blakaj, e ka lidhur këtë zhvillim me presionin në rritje ndaj Serbisë.
Ai theksoi në emisionin “Kosova Today” në Klan Kosova se Beogradi ndodhet në një moment kritik, ku duhet të vendosë mes vazhdimit të aleancës me Rusinë ose orientimit drejt Perëndimit.
Sipas tij, nëse Serbia ndryshon kahjen dhe afrohet me bllokun perëndimor, atëherë balanca e sigurisë në Ballkan do të marrë një drejtim krejtësisht të ri.
“Serbia është nën presionin më të madh gjeopolitik që ka goditur Ballkanin. Ajo duhet të përgjigjet nëse dëshiron të mbetet aleate e besueshme e Rusisë apo të bëjë kthesën e pritur drejt Perëndimit”, u shpreh Blakaj, transmeton Klankosova.tv.
Ndiqni deklaratën e plotë, në videon e mëposhtme:
●●●
Shpërndaje këtë artikull
LE
SHKRIMI NGA
Lendita Elshani
Editorial nga Klan Kosova — ndjek lajme dhe zhvillimet e tjera kryesore të vendit.
