Arjanet Muriq gjobitet me 27 mijë euro për shkelje në trafik

Portieri i Ipswich Town dhe i kombëtarës së Kosovës Arjanet Muriq, është gjobitur me më shumë se 27 mijë eurosh, pasi ka pranuar fajësinë për dy shkelje në trafik. 26-vjeçari u akuzua për vozitje të një automjeti Bentley pa siguracion, që i takon një personit tjetër. Po ashtu u akuzua edhe për përdorim të telefonit celular gjatë vozitjes. Portieri kosovar pranoi fajësinë dhe u dënua me një gjobë prej 21 mijë e 412 paundësh dhe gjashtë pikë në patentë për mungesën e siguracionit në një seancë në Gjykatën e Magjistraturës së Suffolk të martën. Ndërkohë, për shkeljen e përdorimit të telefonit celular gjatë drejtimit, nuk iu dha ndonjë dënim i veçantë. Shkeljet që i bëri Muriq, kanë ndodhur në gusht të vitit të kaluar. Përveç gjobës kryesore, ai u dënua edhe me një tarifë shtesë prej 2 mijë paundësh për viktimat si dhe një tarifë gjyqësore prej 110 paundësh.