Ariana poston fotografi të trurit të saj të traumatizuar

Ariana Grande ka treguar se sulmi me bombë në Manchester Arena i para dy vjetëve i ka lënë pasoja në trurin e saj. Për gjithë 150 milionë ndjekës të saj të Instagramit, këngëtarja simpatike ka postuar imazhin e trurit të saj krahas një tjetri “të shëndetshëm” dhe një tjetri që është i prekur me çrregullimin post traumatik. Skenimi i saj tregon ngjashmëri të madhe me atë të prekur me PTSD. “Qesharake dhe e tmerrshme” – e titulloi ajo një screenshot të një bisede, ku kishte shkruar edhe ‘nuk është shaka’”. Në qershorin e vitit të kaluar, 25-vjeçarja tregoi për shqetësimet e saj dhe shenjat e PTSD që po i përjetonte pas sulmit tragjik të cilit i mbijetoi. “Urrej ta pranoj, por kjo pak a shumë është e vërtetë”, deklaroi ajo për revistën Vogue, kur u pyet nëse marramendja dhe ankthi që ndjente pas sulmit ishin shenja të çrregullimit. “Kjo është ajo për të cilën të gjithmonë po më thoshin. Është e vështirë të flitet për të sepse kanë pësuar kaq shumë njerëz. Por, vërtetë, është një gjë reale. I di familjarët dhe fansat e mi dhe gjithkush ka përjetuar tronditje të jashtëzakonshme nga ajo ngjarje”. “Koha është gjëja më e rëndësishme”, shtoi ajo. “Ndjej sikur nuk duhet të flasë për përvojën time personale – ashtu siç nuk duhet të them madje asgjë. Nuk mendoj se do të di ndonjëherë të flasë për atë ngjarje pa shpëtuar së qari”, deklaroi Grande.