Ariana Grande njofton turneun e parë pas shtatë vitesh

Ariana Grande do të nisë turneun e saj të parë pas shtatë vitesh verën e ardhshme, me pesë data në Londër, të vetmet shfaqje të planifikuara deri më tani jashtë Amerikës së Veriut. Tour-i i yllit të popit, The Eternal Sunshine, mban emrin e albumit të saj të fundit, i cili doli në mars 2024, shkruan BBC, transmeton Klankosova.tv. Që atëherë, ajo është përqendruar në aktrim, duke fituar një nominim për çmimin Oscar për rolin e saj si Glinda në Wicked, me vazhdimin Wicked: For Good që pritet të dalë këtë nëntor. Turneu do të fillojë në Oakland, Kaliforni, më 6 qershor 2026 dhe do të përfundojë me pesë netë në arenën O2 të Londrës më 15, 16, 19, 20 dhe 23 gusht.