Zyra e Rregullatorit për Energji (ZRrE) është ankuar ndaj aktgjykimit të Gjykatës Komerciale të Shkallës së Parë që ka pezulluar vendimin e tyre për daljen në treg të lirë të energjisë për bizneset.
Në Shkallën e Dytë, ata kanë kërkuar që të anulohet ky aktgjykim.
Gazetari Berat Buzhala tha se pas kësaj ankese të ZRrE-së fshihet vetë qeveria.
E një gazetar tjetër po njofton se janë duke ndodhur zhvillime dramatike në fushën energjetike, raporton Klan Kosova.
Nëse kjo masë pezulluese do të refuzohej dhe vendimet e ZRrE-së hyjnë në fuqi, atëherë bizneset e Kosovës do të përballen me kolaps të shtrenjtimit të energjisë elektrike.
Nga Dhoma e Tregtisë dhe Industrisë thonë se vendimi i ZRrE-së është i njëanshëm për përfitime vetanake dhe ankesa do të iu refuzohet.
Para një jave, Gjykata Komerciale kishte vendosur që vendimi i ZRrE-së për daljen e bizneseve në treg të lirë të pezullohej deri në një vendim përfundimtar të gjykatës. /Klankosova.tv
https://youtu.be/SWv1HCtcyeU
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
