Anëtarët e NATO-s nënshkruajnë pro pranimit të Malit të Zi

Njëzet e tetë anëtarët e Aleancës Veri-Atlantike, kanë nënshkruar sot në Bruksel Protokollin për pranimin e Malit të Zi në NATO, njofton Klan Kosova. Në prag të nënshkrimit kryeministri malazias, Millo Gjukanoviq, ka thënë se kjo ditë ka një domethënie të veçantë për Malin e Zi për shkak se ajo vjen pikërisht në 10 vjetorin e pavarësisë së shtetit. “Është një nder për mua të iu drejtohem në këtë moment të rëndësishëm për vendin tim. Po aq e rëndësishme sa dy dhjetori, kur morëm ftesën për anëtarësim”, ka thënë Gjukanoviq. Gjukanoviq tha se nënshkrimi i Protokollit nga shtetet anëtare konfirmon që Mali i Zi më 21 maj 2006 zgjodhi rrugën e drejtë. “Për dhjetë vjet pavarësi ne jemi në prag të anëtarësimit në NATO dhe jemi në rrugë të mirë drejt Bashkimit Europian”.

klankosova.tv