Amir Rrahmani: Prej tash do të bëhemi gati për mars dhe me shpresë që të arrijmë më të mirën

Kapiteni Amir Rrahmani ka thënë se fitorja e sotme e Kombëtares së Kosovës në Slloveni është meritë e secilit futbollist. Pas përfundimit të ndeshjes, ai ka deklaruar se nga tani do të fillojnë përgatitjet për mars, kur nis faza e Playoff-it të Kupës së Botës. “Kjo rrugë ka qenë shumë e gjatë, gati dhjetë vite, dhe kemi mbërritur deri këtu që ta bëjmë krenar një popull, që ka hequr dhe ka pasur shumë sakrifica”. “Secili prej nesh i ka meritat, edhe ai që nuk ka luajtur asnjë minutë, por është grumbulluar, ashtu edhe ne me më shumë minuta; secili prej nesh i ka meritat e veta. Secili i ka meritat për këtë sukses”. “Prej tash do të bëhemi gati për mars dhe me shpresë që të arrijmë më të mirën”, ka thënë Rrahmani. Kosova ka siguruar për herë të parë në histori Playoff-in e kualifikimeve për Kupën e Botës pasi ka mundur Slloveninë 0-2. Fisnik Asllani kaloi Dardanët në avantazh në minutën e gjashtë për 0-1 dhe kështu u mbyll pjesa e parë. Në të dytën Petar Stojanoviq, i inkuadruar në pjesën e dytë, mori dy kartonë të verdhë për shtatë minuta, duke ia lehtësuar punën skuadrës mysafire. Zan Karnicik ia thelloi telashet Sllovenisë kur shënoi një autogol bizar në minutën e 64-të. Me këto tri pikë, Kosova tuboi 10 sosh në vendin e dytë të Grupit B, tri më pak se Zvicra në të parin e shtatë më shumë se Sllovenia në të tretin, kur ka mbetur vetëm edhe një xhiro. /Klankosova.tv