Ambasada e Shqipërisë në Prishtinë ka njoftuar se me rastin e vdekjes nga jeta të ish-kryeministrit të Shqipërisë, Fatos Nano, do të hapet Libri i ngushëllimeve në ambientet e Ambasadës.
Siç thuhet në njoftimin e ambasadës në Facebook, Libri do të jetë i hapur sot dhe nesër, në oraret: 10:00–12:00 dhe 14:00–16:00, transmeton Klankosova.tv.
Nano vdiq të premten, ndërsa është varrosur dje në varrezat e Sharrës, në një ceremoni më private, përkundër homazheve që u bënë nga shumë miq të të ndjerit dhe fytyra të njohura shqiptare.
Por nuk munguan as mirënjohja shtetërore. Trupa ushtarake e nderoi ish-kryeministrin Nano me të shtëna armësh.
Ish-kryeministri Nano do të prehet në një kënd të veçantë të varrezave të Sharrës, transmeton Klankosova.tv.
https://klankosova.tv/varroset-fatos-nano-trupa-ushtarake-e-nderoi-me-te-shtena-armesh/
●●●
LESHKRIMI NGA
Lendita Elshani
Editorial nga Klan Kosova — ndjek lajme dhe zhvillimet e tjera kryesore të vendit.